Daníel Andri í þjálfarateymi A-landsliðsins

KKÍ og Pekka Salminen hafa ráðið aðstoðarþjálfara A landsliðs kvenna næstu tvö árin.

Með Pekka verða Ólafur Jónas Sigurðsson, Emil Barja og okkar maður, Daníel Andri Halldórsson.

Fyrsta verkefnið hjá þeim verða æfingabúðir frá 14.-24. ágúst, er það liður í undirbúningi fyrir undankeppni EuroBasket 2027 (FIBA Women’s EuroBasket 2027 Qualifiers First Round). Dregið verður í riðla 23. júlí næstkomandi og mun drátturinn fara fram í Munchen í Þýskalandi. Fyrstu leikirnir verða í landsleikjaglugganum sem verður spilaður 12.-18. nóvember.

Daníel Andri hefur þjálfað kvennalið Þórs með eftirtektarverðum árangri undanfarin ár auk þess að vera yfirþjálfari yngri flokka Þórs í körfubolta.

Við óskum Danna til hamingju með þetta flotta tækifæri.