Þórsarar áfram í 16-liða úrslit Mjólkurbikarsins

Strákarnir okkar í fótboltanum unnu góðan sigur í Boganum í dag þegar ÍR-ingar komu í heimsókn í 32-liða úrslitum keppninnar.

ÍR-ingar komust yfir strax í upphafi en Þórsarar voru fljótir að jafna metin þegar Clement Bayiha skoraði sitt fyrsta mark fyrir félagið.

Sigfús Fannar Gunnarsson kom Þórsurum í 2-1 um miðbik fyrri hálfleiks og hinn sautján ára gamli Peter Ingi Helgason innsiglaði sigur Þórs í uppbótartíma með sínu fyrsta marki fyrir meistaraflokk.

Smelltu hér til að skoða umfjöllun Fótbolta.net

Næsti leikur Þórs er heimaleikur gegn HK þegar Lengjudeildin hefst föstudaginn 2.maí næstkomandi.