Úrslitarimma Þórs og Stjörnunnar hefst á morgun

Úrslitarimma Þórs og Stjörnunnar hefst á morgun

Á morgun miðvikudag hefst úrslitarimma Þórs og Stjörnunnar sem er tvö sterkustu lið fyrstu deildar kvenna í körfubolta. Þessi tvö lið enduðu í tveimur efstu sætum deildarinnar en Stjarnan varð deildarmeistari og Þór lenti í öðru sætinu.

Leið Stjörnunnar í úrslitarimmuna var gegn KR, sem endaði í fjórða sæti deildarinnar og hafði Stjarnan betur 3:1.

Leið Þórs í úrslitin var gegn gegn Snæfelli sem endaði í þriðja sætinu og hafði Þór betur 3:1.

Úrslitarimma Þórs og Snæfells verður lengi í minnum haft fyrir það að leikir liðanna voru æsispennandi þar sem úrslitin réðust ávallt á lokasekúndum hvers leiks. Ennfremur var stemningin meðal áhorfenda ævintýraleg og umgerð leikjanna eins og best gerist.

Nú er aðeins úrslitarimman eftir og hefst rimma liðanna í Umhyggjuhöllinni í Garðabæ á morgun 5. apríl og hefst leikurinn klukkan 19:15.

Þór og Stjarnan mættust í þrígang í deildinni í vetur þ.e. tvisvar í Umhyggjuhöllinni og einu sinni í íþróttahöllinni. Allir leikirnir unnust á heimavöllum.

Nú hvetjum við alla stuðningsmenn Þórs sem eru og verða á höfuðborgarsvæðinu að skella sér á völlinn og hvetja Þór til sigurs. Leikmenn Þórs og þjálfari liðsins hafa ítrekað sagt að sá gríðarlegi stuðningur sem liðið hefur fengið í vetur hefur skipt sköpum.

Leikur liðanna verður í beinu streymi á Youtube rás Stjörnunnar.

Aðrir leikir í þessari rimmu.

Leikur 2: íþróttahöllin laugardaginn 8. apríl kl. 16:00

Leikur 3: Umhyggjuhöllin miðvikudaginn 12. apríl kl. 19:15

Ef þarf

Leikur 4: Íþróttahöllin laugardaginn 15. apríl kl. 19:15

Leikur 5: Umhyggjuhöllin þriðjudaginn18. apríl kl. 19:15

Munum að körfubolti er skemmtileg íþrótt.

Áfram Þór alltaf, alls staðar