Allir með! farið vel af stað

Frábær hópur.
Mynd - Skapti Hallgrímsson - Akureyri.net

Allir með!, íþróttaæfingar fyrir börn með sérþarfir á aldrinum 6-16 ára, er að taka á sig mynd eftir að hafa farið af stað í haust en þá tóku Þór og KA sig saman um að halda utan um verkefnið sem mun vonandi halda áfram að vaxa og dafna.

Akureyri.net fjallar um verkefnið á vef sínum um helgina og má skoða fréttina með því að smella hér.

Þjálfarar frá báðum félögum eru í öllum tímum og eins og kemur fram í umfjölluninni er alltaf þrautabraut í hluta salarins og síðan eru ákveðnar íþróttagreinar kynntar í hverjum tíma. Fyrir hálfum mánuði komu fótboltamenn í heimsókn og fyrir viku var kynning á körfubolta og þá voru gestaþjálfarar þrír leikmenn úr hinu magnaða kvennaliði Þórs, Maddie Sutton, Eva Wium Elíasdóttir og Emma Karolína Snæbjarnardóttir. 

Við hvetjum alla áhugasama til að kynna sér verkefnið.