Handbolti: KA/Þór sækir Fram heim í dag

Eftir góðan heimasigur gegn Aftureldingu í 6. umferð Olísdeildar kvenna um liðna helgi og sigur gegn Berserkjum í fyrstu umferð Powerade-bikarkeppninnar í vikunni er komið að erfiðara verkefni hjá stelpunum okkar í KA/Þór þegar 7. umferð Olísdeildarinnar hefst í dag. Stelpurnar fara í Úlfarsárdalinn og mæta liði Fram.

KA/Þór kom sér af botninum með sigri í síðustu umferð, er með þrjú stig og situr í 6. sæti deildarinnar, fyrir ofan Stjörnuna og Aftureldingu. Fram er í 3. sætinu eftir fjóra sigra og tvö töp.

• Deild: Olísdeild kvenna
• Leikur: Fram - KA/Þór
• Staður: Úlfarsárdalur
• Dagur: Laugardagur 28. október
• Tími: 16:00