Knattspyrna: Útileikur hjá Þór/KA í dag

Þór/KA mætir liði Þróttar á útivelli í 12. umferð Bestu deildar kvenna í knattspyrnu í dag kl. 16.

Fyrir leikinn í dag er Þór/KA í 3. sæti með 21 stig, en Þróttarar eru í 8. sæti deildarinnar með 11 stig. Breiðablik og Valur eru sem fyrr í efstu sætunum og munar nú níu stigum á Þór/KA og þessum tveimur liðum. Auk þess mjókkaði bilið niður í 4. sætið með tapinu fyrir FH í 11. umferðinni því FH er nú aðeins tveimur stigum á eftir Þór/KA. 

Einum leik 12. umferðarinner er þegar lokið, en fjórir leikir fara fram í dag.

Fjórar úr Þór/KA á leið í landsleiki

Eftir leiki dagsins kemur stutt landsleikjahlé í Bestu deildinni. Þór/KA á tvær landsliðskonur sem verða á faraldsfæti með A-landsliðum, auk tveggja sem fara í tvo vináttuleiki með U19 landsliðinu. Sandra María Jessen verður með A-landsliðinu sem mætir Þýskalandi heima föstudaginn 12. júní og Póllandi úti þriðjudaginn 16. júní. Þá verður Lidija Kuliš í verkefnum með landsliði Bosníu og Herzegovínu sem mætir Portúgal á heimavelli 12. júní og Norður-Írlandi í Belfast þriðjudaginn 16. júní. Bríet Jóhannsdóttir og Hildur Anna Birgisdóttir fara með U19 landsliðinu í tvo æfingaleiki gegn Noregi og Svíþjóð 13. og 15. júlí.

Nánar á thorka.is.