Pílukast: Íslandsmót í 301 í aðstöðu píludeildar Þórs um helgina

Íslandsmótið í 301 verður haldið í aðstöðu Píludeildar Þórs um næstkomandi helgi (5. - 6. október).

Þátttökurétt hafa allir skráðir félagsmenn aðildarfélaga ÍPS. Keppt verður í karla- og kvennaflokkum í einmenning og tvímenning og dregið verður af handahófi í alla riðla. 

Keppt verður í tvímenning karla og kvenna á laugardaginn og í einmenning karla og kvenna á sunnudaginn. Húsið opnar klukkan 09:00 báða dagana og keppni hefst kl 10:30.

Skráningarfrestur er til kl 18:00 í kvöld (fimmtudag), hægt er að skrá sig til leiks á heimasíðu Íslenska pílukastsambandsins.