Fótboltaviðburðir frá morgni til kvölds alla helgina

Goðamótin eru orðin 70 talsins

Um helgina er ansi mikið um að vera hjá fótboltafólki Þórs og verður spilaður fótbolti í Boganum frá morgni til kvölds næstu dagana.

Síðasta Goðamót vetrarins fer fram í Boganum þar sem stelpur úr 6.flokki, hvaðanæva af landinu munu spreyta sig og mun Þór tefla fram sex liðum skipuðum 40 stelpum sem hafa æft af krafti í allan vetur.

Um er að ræða 70.mótið í Goðamótaröðinni sem hefur reynst félaginu ansi dýrmæt.

Á laugardag verða sömuleiðis sex Þórslið úr 5.flokki karla að taka þátt í Stefnumóti sem fram fer á KA-vellinum.

Þá verða 3.flokkar félagsins einnig á fleygiferð þar sem Íslandsmótið er í fullum gangi og verður eitt lið frá Þór í 3.flokki karla í tveggja leikja verkefni í Reykjavík á sama tíma og jafnaldrar þeirra úr Þór/KA verða með tvö lið í Reykjavík.

Rúsínan í pylsuendanum er svo úrslitaleikur Kjarnafæðismótsins sem fram fer í Boganum á laugardagskvöldið klukkan 19:30 þar sem Þór mætir KA. Á sunnudag mætast svo 2.flokkslið félaganna í æfingaleik.

Dagskrá helgarinnar

Föstudagur 1.apríl

14:30-19:00 Goðamót 6.flokks kvenna (Boginn)

20:00 Þróttur R. – Þór/KA 2 3.flokkur kvenna Íslandsmót (Þróttarvöllur)

Laugardagur 2.apríl

09:30-16:10 Goðamót 6.flokks kvenna (Boginn)

12:20-19:30 Stefnumót 5.flokks karla (KA-völlur)

12:00 Breiðablik/Augnablik – Þór/KA 3.flokkur kvenna Íslandsmót (Fagrilundur)

15:00 Breiðablik 2 – Þór 3.flokkur karla Íslandsmót (Fagrilundur)

16:00 Fjölnir – Þór/KA 2 3.flokkur kvenna Íslandsmót (Fjölnisvöllur)

19:30 Þór – KA Meistaraflokkur karla (Boginn)

Sunnudagur 3.apríl

09:00-13:40 Goðamót 6.flokks kvenna (Boginn)

11:30 FH/ÍH – Þór/KA 3.flokkur kvenna Íslandsmót (Skessan)

14:00 Víkingur R. – Þór 3.flokkur karla Íslandsmót (Víkingsvöllur)

15:30 Þór-KA 2.flokkur karla Æfingaleikur (Boginn)

Leikjaplan Goðamótsins má nálgast með því að smella hér.
Leikjaplan Stefnumótsins má nálgast með því að smella hér.