Handbolti: Akureyrarslagur í Höllinni í kvöld

Þór mætir ungmennaliði K.A. í Grill 66 deild karla í handbolta í dag. Leikurinn fer fram í Íþróttahöllinni. Sérstök athygli er vakin á breyttum leiktíma frá því sem upphaflega var auglýst. Leikurinn hefst kl. 17:30.

Fyrir leikinn eru Þórsarar í 3. sæti deildarinnar með 13 stig úr tíu leikjum, en ÍR fyrir ofan með 14 stig og Fram á toppnum með 18 stig. Ungmennalið K.A. er í 7. sæti með sjö stig úr níu leikjum. 

Liðin skildu jöfn þegar þau mættust í byrjun október, 18-18.