Knattspyrna: Jafnt hjá Þór/KA og Stjörnunni

Þór/KA og Stjarnan skildu jöfn í 17. umferð Bestu deildarinnar í gærkvöld, 2-2, og situr Þór/KA áfram í 3. sætinu, en nú með jafnmörg stig og Víkingur.

Þór/KA komst yfir þegar Margrét Árnadóttir skoraði af stuttu færi eftir góðan undirbúning Huldu Óskar Jónsdóttur. Sú forysta hélt þó ekki nema í um tvær mínútur og jafnt í leikhléi, 1-1. Stjarnan komst yfir á 56. mínútu, en Sandra María Jessen jafnaði á 82. mínútu eftir fyrirgjöf frá Huldu Ósk. Litlu munaði að þriðja markið kæmi stuttu eftir það, en eins og fyrr í leiknum nýttust þau færi ekki.

Þór/KA - Stjarnan 2-2 (1-1)

• 1-0 - Margrét Árnadóttir (38'). Stoðsending: Hulda Ósk Jónsdóttir.
• 1-1 - Hrefna Jónsdóttir (40').
• 1-2 - Úlfa Dís Kreye Úlfarsdóttir (56').
• 2-2 - Sandra María Jessen (82'). Stoðsending: Hulda Ósk Jónsdóttir.
• Leikskýrsla: Þór/KA - Stjarnan - (ksi.is)
• Besta deildin (ksi.is)
• Mörkin (ruv.is - 11:50)
• Myndaalbúm - Egill Bjarni Friðjónsson

Nánar á thorka.is.