Körfubolti: Þórsarar taka á móti Sindra

Þór og Sindri mætast í 10. umferð 1. deildar karla í körfubolta í kvöld. Leikurinn fer fram í Íþróttahöllinni á Akureyri og hefst kl. 19:15.

Fyrir leikinn eru Þórsarar í 8. sæti deildarinnar með þrjá sigra í níu leikjum, en Sindri er í 3. sæti með sjö sigra af níu. Sindri tapaði fyrstu tveimur leikjum sínum í mótinu, en síðan hafa komið sjö sigrar í röð. Þór vann Ármann á útivelli með 16 stiga mun í síðustu umferð á meðan Sindri vann 20 stiga heimasigur á Þrótti úr Vogum.

Hér má sjá stöðuna í deildinni.

Leiknum verður streymt á Þór TV - livey.events/thortv