Okkar konur áfram óstöðvandi í Höllinni

Maddie átti ótrúlegan leik í kvöld!
Mynd - Palli Jóh

Þór vann afar öruggan sigur á Njarðvík í Bónusdeildinni í körfubolta í kvöld er liðin áttust við í Íþróttahöllinni á Akureyri.

Njarðvíkurliðið hafði verið á mikilli siglingu þegar kom að leik kvöldsins en þær voru í 2.sæti deildarinnar og höfðu unnið fimm leiki í röð.

Þórsliðið mætti hins vegar af miklum krafti til leiks og vann fyrsta leikhluta með ellefu stiga mun, 33-22 og þegar leið á leikinn jókst bara munurinn með liðunum. Frábær frammistaða okkar liðs skilaði að lokum sannfærandi 21 stigs sigri, 106-85.

Smelltu hér til að skoða tölfræðina úr leiknum.

Næsti leikur í deildinni er heimaleikur gegn Val þann 10.desember næstkomandi.