Pílukast: Akureyri Open fylltist á svipstundu

Á örfáum klukkustundum bárust 150 skráningar í Akureyi Open pílumótið sem píludeild Þórs heldur í febrúar. Deildin auglýsti mótið í byrjun desember og þar með að byrjað yrði að taka við skráningum kl. 18 í dag. 

Í auglýsingu fyrir mótið var tekið fram að rúm væri fyrir 128 þátttakendur. Strax á fyrsta klukkutímanum höfðu 105 skráð sig og nú í kvöld voru skráningar orðnar 150. Það er því ljóst að mótshaldarar eru komnir með biðlista í hendurnar og annaðhvort þurfa 22 keppendur að bíða og vona að einhver hætti við eða þá að deildin finni leiðir til að stækka mótið. Í öllu falli er þetta ævintýralegur áhugi á mótinu og tók aðeins örfáar klukkustundir að fylla það og byrja að skrá á biðlista.

Nánar má lesa um mótið í frétt okkar frá því í desember:

• Stórhuga pílufólk yfirtekur Sjallann