Fjórar frá Þór/KA í æfingahóp U19

Ísfold Marý Sigtryggsdóttir, Jakobína Hjörvarsdóttir, Unnur Stefánsdóttir og Kimberley Dóra Hjálmarsdóttir.

U19 landsliðið kemur saman til æfinga 17.-19. október, til undirbúnings fyrir þátttöku í undankeppni EM, en riðill Íslands verður spilaður í Litháen dagana 6.-14. nóvember.

Fjórar úr Þór/KA hafa verið valdar í æfingahópinn sem kemur saman síðar í mánuðinum, þær Ísfold Marý Sigtryggsdóttir, Jakobína Hjörvarsdóttir, Kimberley Dóra Hjálmarsdóttir og Unnur Stefánsdóttir. Aðeins eitt annað félag á fjóra leikmenn í þessum hópi, en það eru Íslandsmeistarar Vals.

Þjálfari U19 landsliðsins er Margrét Magnúsdóttir.

Hér eru á ferðinni verðugir fulltrúar okkar félags og eiga þetta val fyllilega skilið eftir frammistöðuna í sumar. Við óskum þeim til hamingju með valið og óskum þeim góðs gengis á æfingunum - og vonum auðvitað að þær verði valdar áfram og fari með liðinu til Litháen.