Tap í fyrsta leik 2.flokks í Kjarnafæðimótinu

Kjarnafæðimótið í fótbolta hófst í gær með leik aðalliðs KA og 2.flokks liðs Þórs.

KA, undir stjórn Hallgríms Jónassonar, fyrrum leikmanns Þórs, tefldi fram afar reynslumiklu byrjunarliði; þeir ellefu sem hófu leik hafa leikið samtals vel á þriðja þúsund meistaraflokksleiki á meðan Þór 2 liðið er skipað leikmönnum sem eru að, eða munu hefja sinn meistaraflokksferil á næstunni. 

Var því viðbúið að yrði við ramman reip að draga og fór að lokum svo að KA vann 0-6 sigur. Eins og tölurnar gefa til kynna var sigur KA öruggur en engu að síður áttu okkar drengir flotta spretti í leiknum og fengu til að mynda nokkur góð tækifæri til að skora mörk en Steinþór Már Auðunsson, Stubbur, markvörður KA var vel á verði í markinu.

Gott innlegg í reynslubankann hjá 2.flokknum að máta sig við reynslumikið efstu deildar lið en næsti leikur Þór 2 í Kjarnafæðimótinu er gegn Völsungi þann 8.janúar næstkomandi í Boganum.

Smelltu hér til að skoða leikskýrsluna úr leiknum.

Byrjunarlið Þórs í leiknum (1-4-2-3-1)

Snorri Þór Stefánsson

Davíð Örn Aðalsteinsson - Pétur Orri Arnarson - Steinar Ingi Árnason - Björn Ísfeld Jónasson

Haukur Helgason (F) - Birkir Ingi Óskarsson

Bjarmi Már Eiríksson - Nökkvi Hjörvarsson - Ingimar Arnar Kristjánsson

Atli Þór Sindrason