Þórsarar með sigur í Ljósleiðaradeildinni

Þór van Fylki í fyrstu umferð Ljósleiðaradeildarinnar eftir jólafrí í kvöld.

Þórsarar voru nokkuð áberandi á leikmannamarkaðnum í jólafríinu, þrír út og þrír inn, en leikmannaglugganum var lokað í gær. Þórsarar fengu leikmenn sem spila undir heitunum ALLEE**, TONY og CLVR, en frá Þór fóru JON og DELL1. Einn nýju leikmanna Þórs, ALLEE** var maður leiksins í sigrinum í kvöld.

Þórsarar sigruðu Fylki í fyrsta leik ársins, 16-9, og eru nú við toppinn með 18 stig.

Hér að neðan má sjá félagaskiptin í leikmannaglugganum sem lokað var í gær. Myndin er af Facebook-síðu Rafíþróttasambandsins.

ALLEE** var maður leiksins í sigrinum á Fylki.