Fjórir Þórsarar með U17 til Ungverjalands

Lúðvík Gunnarsson, landsliðsþjálfari U17 karla, hefur valið 20 manna hóp til þátttöku í Telki Cup æfingamóti sem fram fer í Ungverjalandi dagana 12.-18.ágúst næstkomandi.

Í hópnum eru fjórir Þórsarar; þeir Ásbjörn Líndal Arnarsson, Einar Freyr Halldórsson, Sigurður Jökull Ingvason og Sverrir Páll Ingason. Ekkert félag á fleiri leikmenn í hópnum en Þór en næst á eftir er ÍA með 3 leikmenn, AGF í Danmörku með 2 leikmenn líkt og Breiðablik og Leiknir Reykjavík.

Smelltu hér til að sjá hópinn í heild sinni.

Leikið verður í Búdapest og mun íslenska liðið leika gegn jafnöldrum sínum frá Ítalíu, Kóreu og heimamönnum í Ungverjalandi.

Við óskum strákunum til hamingju með valið og góðs gengis í verkefninu.