Handbolti: Bikarleikur í Höllinni í kvöld

Í dag hefjast 16 liða úrslit bikarkeppninnar í handbolta, Powerade-bikarsins. Þórsarar fengu heimaleik og taka á móti Selfyssingum í Íþróttahöllinni á Akureyri í dag kl. 18:30.

Selfyssingar sitja á botni Olísdeildarinnar með tvö stig eftir átta umferðir, en Þórsarar eru í toppbaráttunni í Grill 66 deildinni. Það má því búast við áhugaverðum bikarleik í Höllinni í kvöld.