Körfubolti: Baráttan um 6. sætið í Subway í kvöld

Þór mætir Val á útivelli í B-hluta Subway-deildar kvenna í körfubolta í kvöld kl. 19:15. Þessi lið berjast um 6. sæti deildarinnar.

Liðin mættust tvisvar áður en deildinni var tvískipt. Valur vann fyrri leikinn naumlega á sínum heimavelli í 4. umferð mótsins, 75-73. En Þór vann seinni leikinn í Höllinni í desember, 77-71. Liðin eru jöfn á toppi B-hlutans, eða í 6. og 7. sæti yfir deildina í heild. Þessi lið munu mæta liðunum í 2. og 3. sæti í deildinni í úrslitakeppninni, en eins og staðan er núna eru það Njarðvík og Grindavík, en getur auðvitað breyst.

Næst

• Mót: Subway-deild kvenna, B-hluti
• Leikur: Valur - Þór
• Staður: N1 höllin að Hlíðarenda
• Dagur: Þriðjudagur 27. febrúar
• Tími: 19:15
• Útsending: Subway-deildarrás Stöðvar 2 sport