Leikmannakynning meistaraflokks karla í fótbolta

Fótboltasumarið er farið af stað hjá meistaraflokki karla en það hófst formlega þegar Þórsarar lögðu KFA að velli í 2.umferð Mjólkurbikarsins síðastliðinn sunnudag.

Næstkomandi fimmtudag, 18.apríl, er komið að árlegri leikmannakynningu þar sem Þórsurum gefst kostur á að fá allar helstu upplýsingar um hvernig liðið okkar er skipað í ár.

Boðið verður upp á veglegar veitingar um leið og þjálfarateymi meistaraflokks karla kynnir leikmannahópinn og sitja svo fyrir svörum við spurningum stuðningsmanna.

Skráning á viðburðinn fer fram með því að smella hér

Við hvetjum áhugasama til að drífa í skráningu því 90 sæti eru í boði og fer skráning hratt af stað.

Keppni í Lengjudeild karla hefst föstudaginn 3.maí næstkomandi þegar okkar strákar heimsækja Þróttara í Laugardalinn en áður en að þeim leik kemur eiga strákarnir leik við Gróttu í 32-liða úrslitum Mjólkurbikarsins fimmtudaginn 25.apríl næstkomandi.