Þórsarar taka á móti liði Fjölnis í 7. umferð Grill 66 deildar karla í handbolta í kvöld. Leikurinn fer fram í Íþróttahöllinni og hefst kl. 18.

Grindvíkingar sigruðu Þór í Subway-deild kvenna í körfubolta í dag með 30 stiga mun. Við óvenjulegar og undarlegar aðstæður náðu Þórsstelpurnar ekki að sýna sitt rétta andlit nema á stuttum köflum í leiknum og það er ekki nóg gegn góðu liði eins og Grindavíkurliðið er.

Tólf manna sveit, fjórar konur og átta karlar, frá píludeild Þórs tekur um helgina þátt í Íslandsmóti félagsliða sem fram fer á Bullseye við Snorrabraut í Reykjavík.

Eftir landsleikjahlé er aftur komið að Subway-deild kvenna í körfubolta og má segja að á dagskrá í dag sé sögulegur leikur. Stelpurnar okkar mæta Grindvíkingum á útivelli, en þó ekki í Grindavík af ástæðum sem öllum eru væntanlega kunnugar. Leikurinn fer fram í Smáranum í Kópavogi.

Þórsarar náðu ekki sínum fyrsta útisigri í 1. deild karla í körfubolta í kvöld. Fjögurra stiga tap á Skaganum varð niðurstaða dagsins.

Þorsteinn Halldórsson, þjálfari A-landsliðs kvenna, hefur valið leikmannahópinn fyrir tvo síðustu leikina í Þjóðadeild UEFA. Ísland mætir Wales á útivelli 1. desember og Danmörku, einnig á útivelli, 5. desember.

Fram undan um helgina er 76. Goðamót Þórs í knattspyrnu. Að þessu sinni eru það stelpur í 6. flokki sem mætast, en allir leikir fara fram í Boganum.

Eftir góðan heimasigur gegn Hrunamönnum síðastliðinn föstudag halda Þórsarar á Skagann í dag og mæta ÍA í íþróttahúsinu að Jaðarsbökkum kl. 19:15 í kvöld. Leikurinn er í 7. umferð 1. deildar karla.

KA/Þór náði ekki að bæta stigum í sarpinn þegar liðið mætti ÍR-ingum í kvöld. Þrátt fyrir fimm marka forystu KA/Þórs um tíma voru það gestirnir sem fóru með þriggja marka sigur af hólmi.

Ástæða er til að hvetja Þórsara á höfuðborgarsvæðinu til að mæta í Smárann á laugardaginn þegar stelpurnar okkar í Subway-deildarliði Þórs í körfubolta mæta liði Grindavíkur. Leikur liðanna hefst kl. 14.