Bjarni Guðjón og Kristófer í æfingahópi U19

Ólafur Ingi Skúlason, landsliðsþjálfari U19 karla í fótbolta, hefur valið hóp sem æfir dagana 23.-25. janúar næstkomandi.

Alls eru 26 leikmenn valdir og eru fulltrúar Þórs þeir Bjarni Guðjón Brynjólfsson og Kristófer Kristjánsson.

Æfingarnar fara fram í Miðgarði.

Næsta verkefni liðsins er milliriðill undankeppni EM 2023. Þar er liðið í riðli með Englandi, Tyrklandi og Ungverjalandi.

Óskum Bjarna og Kristófer til hamingju með valið og góðs gengis á æfingunum.