Knattspyrna: Sigur í Garðabænum, Sandra María með 100 og Hildur Anna sitt fyrsta

Þór/KA vann verðskuldaðan og öruggan sigur á liði Stjörnunnar á Samsung-vellinum í Garðabæ í gær og er enn í 3. sæti Bestu deildarinnar, í humátt á eftir Breiðabliki og Val. Sandra María Jessen skoraði 100. markið sitt í efstu deild Íslandsmótsins og Hildur Anna Birgisdóttir skoraði sitt fyrsta mark í meistaraflokki.

Heimakonur í Stjörnunni komust reyndar yfir eftir sex mínútna leik með marki eftir þvögu sem myndaðist upp úr aukaspyrnu frá Andreu Mist Pálsdóttur. Okkar konur létu það ekki á sig fá heldur náðu smátt og smátt betri tökum á leiknum og á 30. mínútu jafnaði Sandra María Jessen þegar hún stýrði sendingu/skoti Agnesar Birtu Stefánsdóttur í markið. Hildur Anna Birgisdóttir kom inn á eftir leikhléið og eftir um tvær mínútur skoraði hún beint úr hornspyrnu, hennar fyrsta mark í meistaraflokki. Aðeins tveimur mínútum síðar bætti Margrét Árnadóttir við þriðja markinnu þegar Agnes Birta skallaði boltann eftir hornspyrnu og Margrét náði að koma honum í markið. Sandra María Jessen skoraði svo sitt annað mark og fjórða mark Þórs/KA eftir fyrirgjöf frá Amalíu Árnadóttur, sem þá hafði verið inni á vellinum í rétt um tvær mínútur.

Stjarnan - Þór/KA 1-4 (0-1)

• 1-0 - Hrefna Jónsdóttir (6').
• 1-1 - Sandra María Jessen (30').
• 1-2 - Hildur Anna Birgisdóttir (47').
• 1-3 - Margrét Árnadóttir (49').
• 1-4 - Sandra María Jessen (69').
• Leikskýrslan (ksi.is)
• Besta deildin (ksi.is)

Með sigrinum er Þór/KA komið með 18 stig úr átta leikjum, situr í 3. sætinu, með jafn mörg stig og Valur, en þremur stigum á eftir Breiðabliki. Bæði þessi lið eiga þó leik til góða á Þór/KA.

Næsti leikur er heimaleikur gegn Fylki föstudaginn 21. júní kl. 18.

Nánar á thorka.is.