Handbolti: Heimaleikur gegn Herði í dag

Þór tekur á móti Herði frá Ísafirði í fimmtu umferð Grill 66 deildar karla í handbolta í dag. Leikurinn fer fram í Íþróttahöllinni á Akureyri og hefst kl. 16.

Þórsarar hafa farið vel af stað í Grill 66 deildinni og eru jafnir Fjölni á toppi deildarinnar. Bæði lið hafa unnið þrjá leiki og gert eitt jafntefli. Þórsarar unnu ungmennalið HK naumlega á útivelli í síðustu umferð, en Hörður tapaði á heimavelli gegn ungmennaliði Fram.

• Deild: Grill 66 deild karla
• Leikur: Þór - Hörður
• Staður: Íþróttahöllin á Akureyri
• Dagur: Laugardagur 21. Október
• Tími: 16:00