Pílukast: Valþór Atli með 11 pílna leik á Iceland Open

Hjörtur Geir Heimisson og Valþór Atli Birgisson, tveir af fulltrúum Þórs á Iceland Open og Iceland Masters um helgina. Valþór Atli náði frábærum árangri. Mynd: Píludeild Þórs.

Þórsarar sendu vaska sveit pílukastara suður um liðna helgi til þátttöku í Iceland Open og Iceland Masters sem haldið var í Reykjavík. Valþór Atli Birgisson náði lengst okkar manna, komst í 16 manna úrslit og spilaði til að mynda einn 11 pílna leik, sem er frábær árangur.

Keppendur frá píludeild Þórs sem tóku þátt í mótinu voru Edgars Kede Kedza, Hjörtur Geir Heimisson, Jason Wright, Ragnar Helgason, Roman Foltynek, Valþór Atli Birgisson og Viðar Valdimarsson. Á laugardag var bein útsláttarkeppni, Iceland Open, en á sunnudag var riðlakeppni og síðan útsláttur, Iceland Maters.

• Allir leikir og úrslit (dartconnect)

Hér má sjá lista yfir þá pílukastara sem unnu leiki með fæstum pílum. Fyrir fólk sem ekki þekkir til íþróttarinnar er rétt að upplýsa að fullkominn leikur er níu pílur, ekki hægt að vinna leik í 501 með færri en níu pílum. Valþór Atli Birgisson gerði sér lítið fyrir og kláraði legg gegn einum sterkasta pílukastara landsins, Alexander Veigari Þorvaldssyni, með 11 pílum. Edgars Kede Kedza, einnig frá píludeild Þórs, náði einum 14 pílu legg.

 

Valþór Atli var einnig ofarlega á lista yfir besta meðaltalið, það er meðal skor með þremur pílum. Þar var hann í 4. sæti með 83,5 stig að meðaltali með þremur pílum.