Rafíþróttir: Einvígi Þórs og Hattar um sæti á HM í kvöld

Kvennalið rafíþróttadeildar Þórs í tölvuleiknum Counterstrike 2 leikur í kvöld til úrslita gegn liði Hattar um keppnisrétt á Heimsmeistaramóti kvenna fyrir Íslands hönd.

Um er að ræða úrslitaeinvígi IESF í kvennaflokki og hlýtur sigurvegari kvöldsins keppnisrétt á IESF World Championship 2024. Viðureignunum verður streymt á Twitch-rás Rafíþróttasamtaka Íslands. Útsendingin hefst kl. 19:20.