Sandra María kom við sögu í báðum leikjum Íslands

49 A-landsleikir.

Íslenska landsliðið í fótbolta hóf keppni í Þjóðadeildinni með útileikjum gegn Sviss og Frakklandi.

Okkar fulltrúi í hópnum var Sandra María Jessen en hún hóf leik á varamannabekknum í fyrri leiknum gegn Sviss sem lauk með markalausu jafntefli. Sandra kom inn af bekknum á 73.mínútu.

Í kvöld var svo firnasterkt lið Frakka heimsótt til Le Mans í Frakklandi og var Sandra María í byrjunarliði Íslands og lék fyrstu 75 mínúturnar í 3-2 tapi íslenska liðsins.

Sandra hefur nú leikið 49 A-landsleiki fyrir Íslands hönd en næstu leikir Íslands eru í byrjun apríl.