Þór tekur á móti Fjölni í dag

Nú er strax komið að næsta leik hjá Þór í Lengjudeildinni og það eru Fjölnismenn sem mæta í Þorpið. Leikur Þórs og Fjölnis hefst kl. 18 í dag.

Fyrri leikur liðanna í sumar fór ekki vel fyrir okkar menn, sex marka ósigur. Leikir liðanna í fyrra enduðu báðir með 4-1 sigri Fjölnis. Þessi lið hafa mæst 19 sinnum í næstefstu deild Íslandsmótsins. Fjölnir hefur oftar haft betur, er með tíu sigra, en fjórum sinnum hafa Þórsarar sigrað. Síðasti sigur Þórs á Fjölni í deildakeppninni var eftirminnilegur kveðjuleikur Alvaros Montejo, en hann skoraði öll mörkin í 3-0 sigri Þórs á heimavelli Fjölnis í lok júní 2021. Leikurinn í dag er í 14. umferð Lengjudeildarinnar.

Fyrir leikinn í dag eru Fjölnismenn í 3. sæti deildarinnar með 26 stig, en Þór er í 7. sæti með 17 stig.