Þórsarar sækja Njarðvíkinga heim í dag

Það er leikdagur hjá okkar mönnum í Lengjudeildinni. Þórsarar halda til Njarðvíkur og mæta þeim grænu kl. 14 í dag. Vekjum athygli á breyttum leiktíma.

Leikur Þórs og Njarðvíkur er í 8. umferð Lengjudeildaarinnar. Þórsarar hífðu sig upp í 3. sætið með sigri í síðustu umferð, eru nú með 12 stig, en nokkurt bil upp í tvö efstu sætin þar sem Afturelding er með 19 stig og Fjölnir 17. Njarðvíkingar eru í 9. sæti deildarinnar með sex stig úr sjö leikjum, hafa unnið einn leik og gert þrjú jafntefli.

Þór og Njarðvík hafa mæst 14 sinnum í næstefstu deild Íslandsmótsins. Þórsarara hafa unnið níu leiki, tvisvar hefur orðið jafntefli, en Njarðvíkingar þrisvar sigraað. Síðast voru þessi lið saman í Inkasso-deildinni 2018 og 2019 og þá vann Þór allar fjórar viðureignir liðanna. Í þessum fjórum viðureignum vara markatalan samtals 8-1 og eina mark Njarðvíkinga var skráð sem sjálfsmark leikmanns Þórs. Í fyrri leiknum 2018 klóruðu Þórsarar fram sigur þegar Alvaro Montejo skoraði eina mark leiksins á 4. mínútu uppbótartíma.

Fyrri viðureignir liðanna í næstefstu deild voru á árunum 2003-2010. 

Leikjabreytingar vegna U19

Vegna þátttöku Íslands í lokamóti EM U19 hafa nokkrir leikir í Lengjudeildinni verið færðir til, þar á meðal tveir leikir hjá okkar liði. Eftirfarandi breytingar verða á leikjum hjá Þór:

• ÍA - Þór
  Var: Laugardaginn 1. júlí
  Verður: Fimmtudaginn 29. júní kl. 18 á Akranesi.
• Þór - Grótta
  Var: Fimmtudaginn 6. júlí á Þórsvelli.
  Verður: Þriðjudaginn 25. júlí á Þórsvelli

Leikur Þórs og Njarðvíkur verður í beinni á YouTube-rás Lengjudeildarinnar: