Tryggvi Snær Hlinason, fyrrum leikmaður Þórs í körfuknattleik, og Sandra Sigurðardóttir, fyrrum leikmaður með Þór/KA/KS í knattspyrnu voru á meðal efstu í kjöri á íþróttamanni ársins 2022.

Haraldur Ingólfsson, sem unnið hefur gríðarlegt sjálfboðastarf undanfarin ár fyrir íþróttafélagið Þór og kvennalið Þórs/KA í knattspyrnu, var í kvöld útnefndur íþróttaeldhugi ársins af Íþrótta- og ólympíusambandi Íslands (ÍSÍ), þegar verðlaunin voru afhent í fyrsta skipti.

Útbúið hefur verið eyðublað hér á heimasíðunni fyrir félagsfólk sem vill koma með ábendingar um einstaklinga sem ættu skilið að fá heiðursmerki félagsins.

Píludeild Þórs heldur sitt árlega Bombumót fimmtudagskvöldið 29. desember.

Tólf lið taka þátt í mótinu. Dregið hefur verið í riðla og er leikjadagskráin klár. Spilað er í tveimur sex liða riðlum og fara tvö efstu lið úr hvorum riðli áfram í undanúrslit.

ÍSÍ og Lottó standa fyrir vali á íþróttaeldhuga ársins, sem er liður í að verðlauna sjálfboðaliða fyrir störf þeirra í þágu íþróttafélaga og íþróttahreyfingarinnar.

Hnefaleikadeildin verður með átta vikna hnefaleikanámskeið, boxþrek, á nýju ári.

Bibbi verður með ókeypis tíma fyrir tveggja til fimm ára krakka í Íþróttaskóla Þórs á annan í jólum.

Athugið að afgreiðsla á jólakúlum, konfekti og öðru fylgir lokunartímum í Hamri. Í kvöld, 22. desember, er opið til kl. 20:30 og á morgun, Þorláksmessu, til kl. 15.